Opinione
Avdyl SALIHU
Gjatë fundjavës në Shtip u zhvillua pjesa e dytë e Kampionatit të Maqedonisë në mundje. Të gjithë pritën se do të zhvillohen duele interesante, pasi drejtpërdrejt u takuan konkurrentët kryesorë për titull: "Ballkanec" nga Shtipi dhe "Buçim Jaka" nga Radovishi, ndërkohë që në program ishte edhe dueli për vendin e tretë mes "Spartak" nga Koçani dhe "Çairi" nga Shkupi. Mirëpo, kampionati nuk e priti fundin. Në duelin e parë për titull, pas luftës së tretë mes Dejan Mitrev dhe Goran Atanasov u ndërpre gara, pasi mysafirët sulmuan referin kryesor, me ç'rast pasoi edhe rrahja mes mundësve. Ajo që habit është se, këtë duel e kanë referuar gjyqtarët Stojan Kollev nga Shtipi dhe Neshret Limanov nga Radovishi. Sipas rregullave ndërkombëtare të FILA-s, kjo nuk duhej të ndodh assesi që këtë duel ta drejtonin referë nga dy vendet pjesëmarrëse. Pa dyshim se ky është një lëshim katastrofal i Federatës që edhe ka ndikuar drejtpërdrejt të ndodh incidenti. Ndërkohë, mangësi të mëdha janë shënuar edhe nga organizatorët, të cilët nuk bënë asgjë që të parandalohet rrahja. Mandej, i vogël ka qenë edhe numri i policëve, kundrejt atyre personave jozyrtarë që gjatë gjithë dueleve, kanë qëndruar në afërsi të dyshemeve. Incidentit të parë i parapriu edhe i dyti, kur mundësit e Çairit u sulmuan nga policia dhe disa persona. Edhe në këtë rast, referi kryesor ishte i dyshimtë, pasi i njëjti i tregoi trajnerit Hasan Bislimi karton të kuq. Ky dënim drastik nuk i lejoi Bislimit që të garojë si mundës, ndërkaq sipas rregullave ai kishte të drejtë të paraqitet ne dysheme. Me këtë ekipi shkupjan rënd u dëmtua. Pas këtyre incidenteve, KM "Jaka Buçim" dhe "Çair" kërkojnë që të përsëritet kampionati ose mjetet që janë parapa nga Agjencia për Rini dhe Sport t'i ndahen të gjithë pjesëmarrësve në mënyrë të barabartë. Nëse kjo nuk ndodh, këto dy ekipe janë të gatshëm që të garojnë në Kosovë ose Bullgari. Në praktikë kjo është e pamundur, sepse ekipi nëse dëshiron të merr pjesë në një garë jashtë vendit, ai së pari duhet të jetë anëtar i federatës përkatëse të Bulgarisë apo Kosovës, me çka edhe humb të drejtën që të paraqitet në kampionatet e Maqedonisë, ndërkohë që rrezikon paraqitje për reprezentacion e Maqedonisë në garat ndërkombëtare. Pas gjithë kësaj pritet që në mbledhjen e ardhshme të FMM-së të ketë një duel të nxehtë kur dihet se edhe Agjencia për Rini dhe Sport kërkon që sa ma shpejt të dorëzohet raporti i kampionit.
komentet e lexuesve
| 1. | |
| 2. | |
| 3. | |
| 4. | |
| 5. | |
| 6. | |
| 7. | |
| 8. | |
| 9. | |
| 10. | |
Avdyl SALIHU
Enciklopedia maqedonase përveç se ka gabime dhe të pavërteta në sferat e ndryshme të jetës, të njëjtat mund ti vërejmë edhe në fushën e sportit. Aty nuk janë futur sportistë shqiptar që i kanë sjell rezultate Maqedonisë. Ndër ta është boksieri Aziz Salihu, i cili ka fituar bronz në Lojërat Olimpike në Los Anxhelos (1984), ndërkohë ka edhe shumë rezultate ndërkombëtare. Mandej, nuk figuron edhe vëllai i tij, Faton Salihu, i cili i solli Maqedonisë medaljen e parë të artë evropiane pas pavarësisë. Në vend të tij, është futur boksieri nga Kumanova, Veli Mumin, i cili nuk ka ndonjë rezultat kulmor. Është futur edhe Primislav Dimovski. Nga ana tjetër, në sportin e mundjes, për dy legjendat e gjalla Shaban Sejdiu dhe Shaban Tërstena, është shkruar shumë pak, pothuajse asgjë.
Sejdiu ka të drejtë të revoltohet, pasi shënimi për të arriturat e tij i ngjan një nekrologu dhe jo biografisë së rëndomtë, sikurse sportistëve maqedonas, serb e rus.
Përveç kësaj, shënimi për Sejdiun përcillej me gabime trashanike. Data e lindjes dhe rezultatet nuk përkonin me të vërtetën. Në sferën e mundjes, për çudi, trajneri i mirënjohur shqiptarë, Mentaz Allajbegu, nuk është përmendur fare si njeriu më meritor për rezultatet e arritura të këtij vendi. Ai ishte klasifikuar vetëm si punëtor sportiv në një rresht. Që ironia të jetë më e madhe, grupi redaktues i Enciklopedisë kishte vërtetuar se për të arriturat e mundjes në Maqedoni, meritë më të madhe kanë Risto Takov, Bojan Rangellov dhe Foti Gjatovski!.
Enciklopedia ka fshirë edhe klubet shqiptare. Nuk përmenden fare "Shkupi" dhe "Liria", si fole të dikurshme të shumë kampionëve shqiptarë të mundjes.
Në konkurrencën ekipore, me qëllim apo pa qëllim është futur vetëm Klubi i Mundjes "Jaka Buqim", i cili është fitues i Kupës evropiane (1991) dhe atë Interkontinentale (1996). Rusi me pasaportë maqedonase, Mugamed Ibragimov, ka zënë vend në këtë libër, kurse aty nuk figuron Lulzim Vrenezi, apo Bajram Qorolli, fitues të disa medaljeve ndërkombëtare. Ka shumë dredhime dhe harresa të qëllimshme të sportistëve shqiptarë, që duhej të dilnin në këtë botim. Prandaj, tërheqja dhe përmirësimet që priten të bëhen në Enciklopedinë e re duhet të përfshijnë edhe sportin dhe sportistët shqiptarë, të cilët shumë më shumë se sa maqedonasit e përfaqësuan ndërkombëtarisht Maqedoninë jashtë kufijve të saj.
komentet e lexuesve
| 1. | |||||||
|
|||||||
| 2. | |||||||
|
|||||||
| 3. | |
| 4. | |
| 5. | |
| 6. | |
| 7. | |
| 8. | |
| 9. | |
| 10. | |